Scorsameära

Quest’estate un gruppo di associazioni ha portato in sei quartieri uno spettacolo gioioso e divertente dal titolo:
“Spéta ch’a m’mètt in djéta” che è una satira sulle diete dimagranti.
Ho partecipato anch’io nel ruolo di presentatore e tra un intervento e l’altro dicevo una battuta. Per questa occasione ho “inventato” il personaggio “Scorsameära” al quale attribuivo le battute. Ve ne presento alcune:
 

Scorsamära al conta che quand l’à fat la crézma, tramite ‘na colètta tra i parént i gh’ävon regalè un sercètt äd coj ch’a s’ fäva andär col bastosén. Al s’divartiva bombén mo so pedor dop soquant dì al gh’l’à bruzè e a so mojera la gh’à ditt:

“Parchè gh’ät bruzè ‘l sercètt?”
« Parchè a coll ragas li a coror tant agh vén tropa fama! ».
A t’ capirè, a diz Scorsamära, In ca' mejja as magnäva sol che dill gran bistecchi..., pociädi - A mi, a m'è gnù la bocca granda a furia ad badaciär ».

Al primm fasolètt a l'ò visst int i soldè. A m’ spasäva coj did e po int il bräghi ch’a gh’era gnu ‘na coramela a l’ostaria igh piävon i solfanél.


Scorsamära, che zamò da putén l’era un bagaj da tór su cól mojètti, al stäva int ‘na ca con di su e di zo. So mädra l’äva ciamè ‘l dotór parchè al gh’äva al mäl ‘d gola.Al dotór l’era un po miope e al ghe vdäva miga tant bén. Intant ch’al s’azvinäva al lét l’è scapusè int ‘na péca e casca zo in muzò. L’äva infinna pers j ocel. Al s’è alvè su rabì cme un can, l’è andè ataca al lét e po la fa:

-Bambino fam vèddor la gola ca guardemma co’ ‘t gh’è !-coza vólol vèddor in gola s’al na gnan visst la pèca !
L’è ‘ndè via sensa visiterol


Un amigh ch’l’era po’ chi ‘n se vdèvon al ghe dmanda:

Cme t’vala, co’ fät äd bél?
A fagh al poeta. Al poeta? E co’ fät?A fagh di vèrs.
Di vers? E che vèrs fät? Di vèrs da gat!


L’era propria un periodo ch’l’a gh’andäva mäl e alora l’äva pensè ‘d spozär vunna cón di sold. Al s’era miss a cortegiär ‘na donna brutta mo con di bagarón. Lei un po sorpresa la gh’ diz:

Come posso piacerle io che sono così poco bella.
Co vólla ch’agh digga siorén’na, sarò ‘d cativ gust mo le l’am piäz!
 

" Scorsamera, vät semp'r a pescär ?"
"Si". "E s'n'in ciapa ?".
"Poch. I paizan j én gnù trop difident. Tomachi, sigolli, grugn; i sèmnon tutt ataca a ca'".

STORIE, ANEDDOTI E BATTUTE